درس الكتابة بالجليتر من الخالدي999

[الخالدي999]

المقدمة

درس اليوم موجود منه في النت بكثرة،،وهنا أيضا يوجد اكثر من موضوع لكني اليوم ان شاء الله بعرضه عليكم بطريقة ثانية ،، وبخطوات مختلفة شوية ،، اشوفها اسهل ،، وتاخذ مساحة أقل عند تخزينها ،، وفي نفس الوقت ، نقدر بهاي الطريقة انطبق الجليتر على أي شكل أو صورة ،، مو بس على النصوص ،،

((أجوا عدم الرد على الموضوع الا بعد مأنتهي من الخطوات لأني بقسمها الى ست خطوات:ll23: ))
مثــــال

http://wh-em.com/upload5/wh_1176683398.gif

أدوات الدرس

طبعاً سنحتاج للجليتر ،، وأنا حطيت بالمرفقات جليتر واحد فقط مكون من 3صور وبعدين راح أحط مكتبة للجليترات

خطوات التنفيذ

الحين نفتح برنامج الفوتوشوب ،، وافتحوا صور الجليتر اللي خزنتوها ،، صار عندنا في الشاشة 3 صور للجليتر ،، الحين لازم نغير خاصيتها ــ وهذا اللي بنسويه الحين

نحط على الصورة الاولى ،، ،، نروح لـ
Image >> Mode بنلاحظ ان عند كلمة Indexed Color شي اشارة صح ،،لازم نغيرة لـ RGB Color
يعني Image >> Mode >> RGB color
شوفوا الصورة:
http://wh-em.com/upload5/wh_1227840557.jpg

ونطبق هذا على جميع الصور:ll22:

وبعدين نروح لـ Edit >> Define Pattern

مثل ما هو واضح في الصورة
http://wh-em.com/upload5/wh_1148681141.jpg

بتظهر لكم نافذه عشان تعرفون الباترن ( اللي هو نفسة الجليتر ) وتختارون له اسم ،، ممكن تحطون أي اسم ،، وممكن تقبلون الاسم الموجود وتضغطون Ok
لاحظوا الصورة
http://wh-em.com/upload5/wh_1352235211.jpg

ونطبقها على جميع الصور
وبعد ماطبقنا هذه الخطوة على الصور نسكرها<<ماعاد نحتاجها>>

الحين نروح الى الخطوة الثانية

يتبع

[الخالدي999]

الخطوة الثانية:

تعبئة النص بالجليتر:

1- كالمعتاد ،، File >> New مثل ما هو موضح في الصورة التوضيحية رقم 1 ،، بتظهر لنا نافذه عشان نختار حجم الصفحة ،، ونوعها ،، هنا انا اخترت 400 Pixels للعرض و 200 Pixels للطول ،، والـ Contents خلوها Transparent مثل ما هو موضح في الصورة رقم 2 واضغطوا Ok يظهر لكم صفحة العمل ،،يظهر لكم صفحة العمل مثل ما هو موضح في الصورة رقم 3 ،،
لاحظوا معاي
http://9q9q.com/March/1143457333.jpg

بأستخدام أداة الكتابة T نكتب النص المطلوب وأنا كتبت الخالدي999 أحم أحم:D
http://9q9q.com/March/1143457420.jpg

وقبل ما نتكلم عن هذه الخطوة ،، اللي مو ظاهر عنده نافذه الليرات يطلعها عن طريق Window ويتأكد من وضع إشارة صح على كلمة Layers

3- ننسخ اللير الموجود على عدد شرائح الجليتر،، وفي هذا الدرس عندنا 3 شرائح للجليتر ،،

وذلك عن طريق نقرة على اليمين (على اللير المطلوب نسخه) بعدين Duplicate Layer مثل ما هو موضح في الصورة رقم 1 ، ونسويها بعد مرة ثانية

يعني في النهاية لازم يكون عندنا ثلاث ليرات مثل ما هو موضح في الصورة
http://9q9q.com/March/1143457488.jpg

الحين بنشتغل على اللير الاول:

نقرتين على اليسار على اللير الاول ،، (او نقرة على اليمين ونختار بعدها Blending Options) بس عندي ملاحظة مهمة ،، شلوا علامة العين من كل الليرات ،، وخلوها بس على اللير اللي تشتغلون عليه ،، طبقوا ها الشي في كل الخطوات الموجودة في هاي الفقرة ،،
http://9q9q.com/March/1143457546.jpg
الحين بيظهر لكم نافذه ،، على يساره فيه قائمة طويله حذالها مربعات اختيار صغيرة ،، ــ طبعا ها النافذه عجييبة ،، وتعطي تأثيرات حلوة على الأشكال والنصوص ،، لكن في ها الدرس بنستخدم ثلاث خصائص منها فقط ،،

وهي:

1. Drop Shadow
2.Pattern Overlay
3.Stroke

يــتــبع

[الخالدي999]

الخطوة الثالثة:

مثل ما قلنا ،، بنستخدم 3 خصائص من الـ Blending Options

وهي:


1. Drop Shadow
2.Pattern Overlay
3.Stroke


لاحظوا أماكنها في الصورة
http://9q9q.com/March/1143459532.jpg


انتقلوا معاي للخاصية الثانية ،، موقعها من القائمة ،، قبل الاخير،، اللي هو Pattern Overlay ،، هنا نحتاج لشوية شغل ،، خلكم معاي ،، لما تجون تحددون هاي الخاصية لا تسيرون عند المربع الصغير اللي على اليسار مثل ما سوينا في الخاصية الأولى ،، خذوا مؤشر الماوس وروحوا على الكلمة نفسها (( Pattern Overlay )) وانقروا عليها ،،

لاحظوا الصورة
http://9q9q.com/March/1143459602.gif


لما اتسوون هذه الحركة ،، بتلاحظون ان محتوى البوكس اتغير بالكامل ،، وأهم شي بيظهر لنا هو المربع الكبير اللي بالوسط ،، وغالباً يكون لونه رمادي على شكل دواير ،، نضغط على ها المربع ــ مثل ما هو موضح في الصورة الأولى تحت ــ وبيظهر لنا كل الباترنز المخزن عندنا ،، ومن ضمنه الجليتر اللي عَرّفناه للبرنامج في الخطوة السابقة ،، واذا ما حصلتوه قدامكم نزلوا السهم لتحت ،، لانه الباترن الجديد يتخزن آخر شي ــ لاحظوا الصورة الثانية تحت ــ

الصورة الأولى:
http://9q9q.com/March/1143459673.jpg

الصورة الثانية:
http://9q9q.com/March/1143459735.jpg

حصلتوه ؟

واجد زين ،، معناته انكم في السليم

الحين اضغطوا على الجليتر المطلوب ــ عندنا 3 جليترات من اللون الأحمر ،، نختار واحد منهم ،، ويستحسن ناخذهم من اليمين أو من اليسار عشان ما انلخبط ،، وأنا هنا أخذت أول واحد من اليسار ،، ولما تنقرون عليه بتلاحظون تغيرات على المربع الرمادي ،، ومربع عرض التأثيرات ،،

لاحظوا الصورة:
http://9q9q.com/March/1143459865.jpg

بعدنا ما خلصنا من ها البوكس ،، يعني لا تضغطون على Ok

وصلنا للخاصية الأخيرة .. إضافة حدود للشكل ،، موقعة من القائمة الأخير ،، واسمه Stroke ،، وبعد لازم ننقل مؤشر الماوس على كلمة Stroke وننقر عليه ،، مثل ما سوينا في الخاصية الثانية ،، بنلاحظ ان الشاشة تغيرت مرة ثانية ،، وظهر لنا مربع احمر صغير ،، ها المربع وظيفته تغيير لون الحدود اللي بتحطونها حول الشكل ،، يعني اذ الجليتر عندي احمر ،، فلازم اختار لون يتماشى معاه ،، وهني انا اخترت لون أبيض ،،
http://9q9q.com/March/1143459917.jpg
ولما نضغط على المربع الأحمر بيظهر لنا بوكس الألوان ،، نختار اللون اللي يتماشى مع الجليتر او تختار لون الأبيض ،،
خلصتوا من هذه الخطوة ؟؟

واخيراً ،، اضغطوا على Ok

شوفوا التغيير العجييب اللي صار على النص:ll23:
http://9q9q.com/March/1143459986.bmp

يــــتـــبـــــع

[الخالدي999]

الخطوة الرابعة:عودة لبوكس الليرات ،،


الحين نعيد نفس الخطوات اللي سويناها في الخطوة الثانية ،، يعني مرة ثانية ــ نقرة على اليمين على اللير الثاني ونختار Blending Options ،، لازم نكون دقيقين في اعادة تطبيق الخطوات اللي سويناها في اللير الاول ،، عشان الشكل النهائي للنص اللي نشتغل عليه ما يتبهدل ،،

بعيد باختصار الخطوات:
1- Drop Shadow ،، اللي هي اضافة او اسقاط ظل للصورة ،، ونكتفي بنقرة على المربع الصغير ،،
2- Pattern Overlay ،، وهي تعبئة النص او الشكل بالجليتر ،،

بس في ملاحظة بسيطة ومهمة ،، لما نجي نعبئ الجليتر نختار الجليتر اللي في الوسط ،، عشان في المرة الاولى اخترنا الجليتر اللي على اليسار ،، والحين بنختار اللي في النص ،، وعلى اللير الثالث بنختار الجليتر المتبقي واللي هو على اليمين ،، لاحظوا الصور
http://9q9q.com/March/1143481636.jpg


3- Stroke ،، إضافة حدود للشكل ،،

انطبق هذه الخطوات حرفياً باستثناء الملاحظة اللي نبهتكم عليها ،، وبعدين نضغط Ok


يـــــتــــــبــــــع

[الخالدي999]

الخطوة الخامسة:

تحريك الجليتر

لما نحط الجليتر على كل الليرات الموجودة عندنا ــ واللي شرحناه بالتفصيل الممل في الخطوة السابقة ــ لازم ننتقل للإيمج ردي (Adobe ImageReady)عشان نحرك الجليتر ،، أو نعطي تأثير اللمعة على النص أو الشكل اللي نشتغل عليه ،،

الحين بننتقل ،،

بس لحظة......؟؟!!!

ما تلاحظون أن الكلمة ضايعة في البراوز؟
http://9q9q.com/March/1143482759.jpg

الحين نبغى نخلي الكلمة نفس حجم البرواز أو مقاربة يعني مافيه مسافات كبيرة تخرب شكل الصورة
باستخدام أداة القطع الموضحة في الصورة:
http://9q9q.com/March/1143482816.jpg

نحدد مجال النص ،، يعني خذوا مساحات بسيطة من حدود النص ،،

لاحظوا الصورة:
http://9q9q.com/March/1143482862.jpg

هذه العملية نسويها مرة وحدة بس ،، والتعديل بيشمل كل الليرات اللي عندنا

الحين اقدر اقول ان احنا بننتقل للايمج ردي وحنا مرتاحين ..


طرق الانتقال للايمج ردي هي:
الطريقة الأولى: File > Jump To > Adobe ImageReady
الطريقة الثانية: Shft + Ctrl + M
الطريقة الثالثة: هو الانتقال للايمج ردي عن طريق الرمز الموجود أسفل قائمة الأدوات مثل ما هو موضح في الصورة
http://9q9q.com/March/1143482899.jpg

وطبعاً ،، كل الطرق تؤدي إلى روما ،، يعني اختاروا الطريقة اللي تعجبكم ،،

[COLOR="red"][SIZE="5"]يــــــــــتـــــــــبــــــــــــع[/S[COLOR="Red

[الخالدي999]

الخطوة السادسة:

ها ،، وصلتوا للايمج ردي

بتظهر لكم الصورة اللي إحنا سويناها بالجليتر فوق ،، وتحت بيظهر لكم شريط موجود فيه صورة وحدة بشكل صغير ،، هذا الشريط هو شريط الحركة أو الـ Animation ،، واللي مو ظاهر عنده يظهره عن طريق Window ويتأكد من وضع اشارة صح على كلمة Animation لاحظوا الصورة
http://9q9q.com/March/1143488189.jpg

اللي لازم انسويه الحين هو ــ نطلع الليرات الثلاثة اللي اشتغلنا عليها ــ يعني لازم يكون عندنا ثلاث صور في الشريط ،،
لاحظوا السهم الصغير اللي على يمين الشريط ،، اضغطوا عليه بيظهر لكم قائمة اختاروا منها:
Make Frames From Layers
شوفوا الصورة:
http://9q9q.com/March/1143488899.jpg

الحين نخزن اللي سويناه ــ طبعاً نخزنه في الامج ردي ــ:

File > Save Optimized As

ولما تختارون Make Frames From Layers بتطلع لكم الليرات الثلاث في شريط الانيميشن ،، وفي نهاية كل براوز في الشريط بتشوفون مكتوب sec. 0 ،، هذا لتحديد وقت ثبات الصورة ،، بس في الجليتر ما انصحكم باستخدامة ،، لأن كل ما كانت حركة الصور اكبر ،، يكون تأثير اللمعة اقوى ،،

لاحظوا معي:
http://9q9q.com/March/1143488317.jpg

الحين نخزن اللي سويناه ــ طبعاً نخزنه في الامج ردي ــ:

File > Save Optimized As

http://9q9q.com/March/1143488317.jpg

والـــــنــــــــتــــــــيــــــــــجـــــــة:

http://9q9q.com/March/1143488404.gif


وبهذا أنتهى الدرس وأسف على التطويل وأدري أني تأخرت عليكم بس الي يبي الدح مايقول أحححح
أشكركم على حسن المتابعة ،، وأي سؤال أنا جاهز ولايردك الا الكيبورد
وجزاكم الله خير
ونبي نشوف تطبيقاتكم :ll47:

[نانش]

مجهوود اكثر من رائئع يالخالدي

وشرح حلوو وواضح

ولك احلى تثبيته

[الخالدي999]

الله يعطيك العافية

ومكشوور على التثبيت :ll30:

[المـــتـــــ|S\ــــيمـ]

لاهنت خيووو بس فيه ملاحظه

الصور في شرح كيفية إنشاء الجليتر مو طالعه الصور

لاهنت وعساك على القوه

[الخالدي999]

أخووي عندي وعند نانش طالعة

أنصحك بأستخدام
3660123
3660077

[الخالدي-GX]

تسلمممممممممممممممم

[F A Z A 3]

يعطيك العافية على هذا الشرح الوافي

مجهود مميز ..